Eiga konur frekar að þrífa og þvo þvotta, heldur en karlar ????

Í nýrri rannsókn Andreu Hjálmsdóttur við Háskólanná Akureyri kemur fram að mun fleiri unglingsstúlkur telji að konur eigi að sjá um þvotta nú en  árið 1992.  Árið 1992 töldu um 29% stúlkna að konur ættu frekar að sjá um þvotta.   En nú 2006 telja 45% unglingsstúlkna rétt að konan sjái um þvotta.  Yfir 2000 nemanda 10.  bekkinga svöruðu rannsókninni.  Um þetta er fjallað í Fréttablaðinu 2. maí á bls 4.  Þetta er stórmerkileg rannsókn og hvet í fólk til að kynna sér hana.

  ( P.S komið með athugasemdir...)

Athugasemdir

[Jóna Á. Gísladóttir, 4.5.2007 kl. 12:26]

það kemur ekki fram hvað er nákvæmlega meint með að stúlkum finnist að konur eigi að sjá um þvotta. Kannski er það bara vegna þess hve fatnaður er dýr og þær treysta ekki karlmönnum fyrir honum. hehe. Ég er nú hálfgerð kvenremba ef svo má að orði komast og ætlast til að maðurinn minn eldi, gangi frá í eldhúsinu og hugsi um börnin að sama skapi og ég. En ég hef ekkert á móti því að taka að mér þvottamálin því þá get ég betur sagt að viðhaldsvinna sé hans mál. Það verður að ríkja smá réttlæti líka. Við megum ekki alveg gleyma því að karlar og konur eru ólík og forgangsröðin hjá okkur er ólík. Það er bara staðreynd. 

[Sigurjóna Björgvinsdóttir (IP-tala skráð) 8.5.2007 kl. 14:03]

Þetta er ábyggilega vena þess að nú eru allir með sjálfvirkar vélar sem sagt stúlkur telja konur mun tæknivæddari en karla og tilbúnari að grípa tæknina í sína þjónustu. Haldiði það ekki ????????

[Heiða Þórðar, 14.5.2007 kl. 20:22]

Að sjálfsögðu Dóri